قصدية ي خالد البلطان

الســلام عليكم ورحمـة الله وبركـاتة

حـظـوركم عـطـر بذكر الرحمــن الرحيم

هذي قصيدة للشاعر فهد الفوزان المحفوظي في أبو الوليد

خ / خمسة أنامل تكتسي بالمواجيب
شالن شموخك يالقلم وإرفعنـّـه
***
ا / الحبر ينزف والمشاعر مناديب
والفكر ما خيّب سنا الحرف ظنـّه
***
ل / لسهيل أبرقى فوق كف المكاتيب
ولليل أبنثر ألف ونـّـه و ونـّـه
***
د / دربي طويل وخطوتي ما بها ريب
والفظل لله ما بها اليوم منـّه
***
ا / ان حرت أبلقى بالمواقف تجاريب
وان تهت شيّعت الصبر للأسنـّه
***
ل / لولا الظما ما بان حلو المشاريب
والموت سنـّه مثل ما العيش سنـّه
***
ب / بعض العرب بالفعل : ذيب ٍ ولد ذيب
وبعض العرب فرقاه للناس جنـّه***
ل / للصقر هدات ٍ وعز ومراقيب
وللصبر حزات ٍ وللروح حنـّه
***
ط / طير السعد ما يلحقنـّـه عذاريب
وطير الردى كماينه يحترنـّـه
***
ا / العيب ماهو عيب من صاحب العيب
والسر يبقى سر للي يكنـّـه
***
ن / ندري براع الطيب يا امضيّع الطيب
ومن يجهله ينشد هل الحزم عنـّـه

لا حظوا الأحرف فبداية كل بيت

شكراً للجميع